Spurt og svarað

Lúllu dúkkan virkar mismunandi fyrir hvert barn og er það t.d. háð aldri, persónuleika, svefnrútínu og umhverfi. Margir foreldrar segja að það taki tíma fyrir þau að sjá árangur af því að nota dúkkuna og að koma henni inn í svefnrútínu barnsins. Við mælum því með að gefa Lúllu tækifæri til að „gera töfra sína“, jafnvel í nokkrar vikur. Einhverjir sjá strax árangur, þó að í flestum tilvikum gerist það í þrepum.

Það er mjög mikilvægt fyrir barnið þitt að tengja Lúllu við eitthvað jákvætt strax frá byrjun, svo við mælum með að foreldrar hjálpi barninu að tengja hana við svefn, ró og huggun.

Góð ráð þegar dúkkan er kynnt fyrir barni:

• Haltu dúkkunni nálægt húðinni þinni áður en þú lætur barnið fá hana, svo að hún ilmi eins og þú. Þetta mun gefa barninu aukna öryggistilfinningu og huggun.
• Kynntu dúkkuna fyrir barninu þegar það er rólegt og ánægt.
• Sýndu barninu dúkkuna, leyfðu því að hlusta á hljóðið og að finna hversu mjúk dúkkan er.
• Notaðu glaðlega rödd þegar þú sýnir barninu dúkkuna.
• Hafðu kveikt á dúkkunni þegar þú setur hana inn í svefnrútínu barnsins.
• Þegar ekki er verið að nota dúkkuna, geymdu hana í rúminu eða svefnumhverfi barnsins svo barnið tengi dúkkuna við ró og svefn.

• Þú mátt hafa dúkkuna nálægt barninu og leyfa því að halda á henni þegar barnið er vakandi, þegar það er að sofna og er alltaf undir eftirliti fullorðins einstaklings.
• Þegar barnið er sofnað taktu dúkkuna frá barninu og færðu hana út fyrir svefnumhverfi barnsins (þar sem ekki er hætta á að dúkkan falli yfir andlit barnsins).
• Hafðu kveikt á hljóðinu og festu dúkkuna utan á rúmið/vögguna eða stilltu henni upp nálægt rúminu/vöggunni.
• Róleg og náttúruleg hljóð dúkkunnar munu gera sitt gagn þó að dúkkan sé utan seilingar.

• Eldri börn mega kúra með dúkkunni þegar þau sofa.
• Segðu barninu þínu sögu, sem passar þeirra aldri, um hvernig Lúlla hjálpar þeim að finna huggun og hjálpar þeim að sofa (einskonar félagsfærnisaga).
• Notaðu svefnrútínu barnsins í sögunni og segðu þeim frá jákvæðri upplifun þeirra af svefninum eins og það hafi nú þegar gerst.

Lúlla er örugg fyrir börn frá fæðingu. Þegar börn eru yngri en 12 mánaða skal alltaf festa dúkkuna utan á rúmið eða þar sem dúkkan getur ekki lagst yfir andlit barnsins. Eldri börn geta haldið á Lúllu til að finna ró og huggun. 

Dúkkan er fest við rúmið eða vöggu með bandi sem er falið inn í vasanum aftan á dúkkunni. Bandið er þá tekið út úr dúkkunni og fest með frönskum rennilás. Einnig er hægt að nota bandið til að festa dúkkuna á vagn, kerru eða bílstól til að gefa huggun á ferðinni. 

Róleg og náttúruleg hljóð dúkkunnar munu gera sitt gagn þó að dúkkan sé utan seilingar.Hönnun dúkkunnar er byggð á rannsóknum sem sýna að nærvera umönnunaraðila hefur margvísleg jákvæð áhrif á ungabörn, þá sérstaklega hjartsláttur og öndunarhljóð. 

Hægt er að stilla hljóðið í dúkkunni á 3 mismunandi styrki, en hæsti styrkurinn spilar á 65 dB, og því öruggt fyrir viðkvæma heyrn barna. 

Dúkkuna má þvo í þvottavél. Mælt er með að þvo Lúllu á 30-40 gráðum með litla vindingu.

Í sérstökum tilfellum má þvo Lúllu á 60 gráðum en það er nauðsynlegt í tilfellum þar sem barnið er með veikt ónæmiskerfi og hjá fyrirburum.

Lúlla er öryggisprófuð vara og vottuð samkvæmt evrópskum, bandarískum og áströlskum/nýsjálenskum stöðlum.

Dúkkan er öryggisprófuð með nýfædd börn í huga en þó er ekki mælt með því að hafa neina lausa hluti í rúmi/vöggu sofandi barns frá fæðingu upp að 12 mánaða aldri.

Til að kveikja á hljóðtækinu haltu inni hjartalaga takkanum í 2-3 sekúndur.

Tækið slekkur sjálft á sér eftir 12 klst en þú getur slökkt á því fyrr (t.d. þegar barnið vaknar, til að spara batterí) með því að halda hjartalaga takkanum aftur inni í 2-3 sek.

12 klst spilunin endurstillist í hvert skipti sem kveikt er á því.

Breyttu hljóðstyrknum með því að ýta á takkann á hliðinni á hljóðtækinu. Hljóðtækið spilar þrjá mismunandi hljóðstyrki, en hæsti styrkurinn spilar á 65 dB, og því öruggt fyrir viðkvæma heyrn barna þó tækið spili í langan tíma. 

Þegar kveikt er á tækinu byrjar það alltaf á lægsta hljóðstyrk.Til að stilla tækið á miðlungs hljóðstyrk er ýtt á takkann á hliðinni einu sinni og svo aftur til að setja á hæsta styrk. Til að setja tækið aftur á lægsta styrk er ýtt aftur á takkann.

Þú getur stjórnað hljóðtækinu utan á dúkkunni, eftir að tækið hefur verið sett inn í hana. Við mælum með því að snúa hjartalaga takkanum fram í dúkkunni, þannig að hægt sé að þrýsta á hjartað utan á dúkkunni til að kveikja og slökkva og hljóðstyrkurinn stilltur undir hægri handlegg dúkkunnar.

Tækið tekur tvö AA batterí. Þú getur notað alkaline eða endurhlaðanleg batterí. Aldrei skal nota lithium batterí í Lúllu. Athugið að endurhlaðanleg batterí geta verið sverari en venjuleg og því gætu sumar tegundir ekki passað inn í hljóðtækið. Góð endurhlaðanleg batterí sem passa í tækið eru t.d. Eneloop og Ikea.